Дуучин Мэрайя Кери 2014 онд нөхөр Ник Канноос салснаас хойш хэсэг ганц бие ээжийн амьдралыг туулсан. Харин өнгөрсөн 6-р сараас тэрбумтан, өөрөөс нь 3 насаар ах, мөн л салсан залуутай болзох болсон.

Тэгвэл Мэрайя найз залуу Жеймс Пакерын хамт анх удаа улаан хивсний ёслолд оролцлоо. Нью-Йорк хотод болсон The Intern киноны нээлтэнд ийнхүү хөтлөлцөн иржээ. Мэрайя Итали улсад найз залуугийн хамт амарч байхдаа анх хэвлэлийнхний хараанд өртсөн бөгөөд Сардин, Ибиза, Израйль зэрэг газраар Мэрайягийн ихэр хүүхэд болох  Мороккан, Монро нар мөн, Жеймс Пакерын гурван хүүхдийн хамт аялаад ирсэн юм.

Мэрайягийн нөхөр Ник Каннон 2014 онд салах өргөдлөө гаргаж байсан бол Жеймс Пакер 2013 онд эхнэр Эрика Бакстераас гэр бүлээ цуцлуулжээ.