НҮБ-ын Өргөн нэвтрүүлгийн комиссоос дэлхийн хүн амын талаас илүү нь интернет холболтгүй байгааг мэдээллээ. Чинээлэг улс орнуудад хүн амын интернет хэрэглээ ханасан түвшинд хүрсэн бол 48 буурай улс орны иргэдийн 90 хувь нь интернетгүй байна. 2012 оныг хүртэл дэлхий даяар интернет холболт хоёр оронтой тоонд орж нэмэгдэж байсан бол өнгөрөгч онд 8.6 хувь, энэ жил 8.1 хувь болж буурчээ. НҮБ-ын тус комисс 2010 онд “2020 он гэхэд 4 тэрбум интернет хэрэглэгчтэй болно” гэсэн зорилт тавьсан нь энэ хурдаар биелэгдэхгүй төлөвтэй байна.