Олон улсын чөлөөт бөхийн холбооноос эрэгтэй, эмэгтэйчүүдийн чөлөөт бөхийн тэргүүлэх бөхчүүдийн дэлхийн ээлжит чансааг гаргажээ. Энэ удаа Узбек улсын Ташкент хотод болсон ДАШТ, БНСУ-ын Инчён хотод болсон Азийн наадмын дүнг тусгасан байна. Эмэгтэйчүүдийн чөлөөт бөхийн төрөлд 60 кг-ийн жинд ОУХМ, дэлхийн аварга С.Цэрэнчимэд жиндээ анх удаа тэргүүнд бичигджээ.

Харин 48 кг-ийн жинд ОУХМ Э.Нарангэрэл 15, 53 кг-ийнн жинд ОУХМ Э.Сумьяа 12, 55 кг-ийн жинд ОУХМ С.Бямбацэрэн 5, ОУХМ А.Батцэцэг 11, ОУХМ П.Орхон 15, 58 кг-ийнн жинд гавьяат тамирчин Т.Мөнхтуяа 11, 63 кг-ийн жинд гавьяат тамирчин С.Батцэцэг 13, 69 кг-ийн жинд ОУХМ Б.Одончимэг 9, ОУХМ Ш.Түмэнцэцэг 17, 75 кг-ийн жинд гавьяат тамирчин О.Бурмаа 4 дүгээрт бичигджээ. Эрэгтэй чөлөөт бөхийн 57 кг-ийн жинд ОУХМ Э.Бэхбаяр 5, ОУХМ Б.Номин 11, ОУХМ Д.Цогтбаатар 16, 61 кг-ийн жинд ДАШТ-ий хүрэл медальт, ОУХМ Э.Ням-Очир 3, оюутны дэлхийн аварга, ОУХМ Т.Түвшинтулга 13, 65 кг-ийн жинд гавьяат тамирчин Г.Мандахнаран 3, 74 кг-ийн жинд ОУХМ П.Өнөрбат 17, 86 кг-ийн жинд ОУХМ О.Үйтүмэн 20, 97 кг-ийн жинд ОУХМ Д.Хүдэрбулга 8, ОУХМ Ж.Чулуунбат 11 дугаарт тус тус бичигдсэн байна.  

                                                                                                                   Г. Золзаяа