Чөлөөт бөхийн олимпийн хүрэл медальт, дэлхийн аварга, Ази тивийн аварга Монгол улсын гавьяат тамирчин Соронзонболдын Батцэцэг өнөөдөр Монгол улсын анхны чөлөөт бөхийн дэлхийн хошой аварга болж монгол түмнийхээ талархал хүндэтгэлийг хүлээлээ.

       С.Батцэцэг өмнө нь Өсвөр үеийн УАШТ-д 2005 онд мөнгөн медаль, Өсвөр үеийн ААШТ 2007 онд Тайваны Тайчинд болоход мөнгөн медаль, Залуучуудын УАШТ-д 2008 онд алтан медаль, Залуучуудын ААШТ 2008 онд Катарын Дохад болоход мөнгөн медаль, Насанд хүрэгчдийн УАШТ-д 2009, 2010 онд алтан медаль, 2011 онд мөнгөн медаль, 2010 оны ААШТ Энэтхэгийн Шинэ Делид болоход мөнгөн медаль, 2009 оны ДАШТ-д орсон, 2010 оны ДАШТ-д алтан медаль, 2012 оны олимпод хүрэл медалийг тус тус хүртэж байсан юм.