Эми Томсон гэгч энэ охин 16 насандаа зуны эхэн сарын үеэр нэгэн үдэшлэгт очсон нь түүний хувьд магадгүй хамгийн сүүлийнх нь болж үлдсэн аж.

        Үдэшлэгт очоод тэрээр MDMA гэх сэтгэл хэт хөөргөх зориулалт бүхий эмнээс гурван найзын хамт нэг ширхэгийг уужээ. Удалгүй 15-18 настай охидын биеийн байдал муудаж эмнэлэгт хүргэгдэв. Хоёр найз нь эмчлүүлээд эмнэлэгээс гарсан боловч Эмигийн биеийн байдал маш тааруу, ухаан орохгүй л байв.

        Эцэст нь тэр ухаан орсон ч сэтгэцийн эрүүл мэндийн төвд эмчлүүлэх шаардлагатай болсон байна. Ийнхүү үдэшлэг дээр уусан нэг ширхэг эмний уршгаар залуухан, эрүүл саруул Эми охин бие махбод болоод сэтгэцийн хүнд эмгэгтэй болж үлдсэн юм. Охидод эм өгсөн хэргээр хоёр эмэгтэй, нэг эрэгтэйг баривчлаад байгаа аж.