Ёнкома манга буюу комик стриппийн анхдугаар тэмцээнийг Нүүдлийн зурган өгүүлэмж төрийн бус байгууллага болон Японы элчин сайдын яам, “Монгол Контент” ХХК 10 жилийнхээ ойн хүрээнд хамтран зохион байгуулахаар болсон байна.

        “Монгол заншил” сэдвийн дор зохион байгуулж буй уг зургийн уралдаан нь нийгэмд болж буй үйл явдал, бидэнд тулгараад буй асуудлыг зурган хэлбэрээр хүргэх комик стриппийг олон нийтэд таниулах зорилготой аж. Тиймээс Монголын өв соёл, уламжлал, сэтгэлгээг дөрвөн нүдэт мангагаар дамжуулан сонирхолтой байдлаар илэрхийлэн, шилдгээр шалгарсан дөрвөн оролцогч Япон орноор аялах эрхийн эзэн болох юм байна.