Хан-Уул дүүргийн Засаг даргын 2013-2016 оны үйл ажиллагааны эрүүл чийрэг монгол хүн-эрүүл дүүрэг хөтөлбөрийн хүрээнд агаарын бохирдлыг бууруулах чиглэлээр цэцэрлэгт хүрээлэн, ногоон байгууламж, усан оргилууруудыг шинээр байгуулж эхлээд байгаа билээ. Тэгвэл тус дүүргийн 50 жилийн ойг угтуулан дүүргийнхээ иргэд тэр дундаа Яармаг, Нисэхийн хүүхэд, залууст зориулан 8-р хорооны нутаг дэвсгэрт хогтой жалга байсан газрыг өнгөрсөн 2014 оноос цэцэрлэгт хүрээлэн болгох ажлыг эхлүүлж өчигдөр буюу 9-р сарын 7-ны өдөр нээлтээ хийжээ.

        Ийнхүү хүүхдийн тоглоомын талбай, саравч, бялдаржуулах төхөөрөмж, гэрэлтүүлэг зэрэг иргэдийн хэрэгцээ шаардлагыг бүрэн хангасан энэхүү цэцэрлэгт хүрээлэнг бий болгоход шаардагдсан төсөв нь 605 сая төгрөг болсон аж.