Өчигдөр орой Баянзүрх дүүргийн 4 дүгээр хорооны “Цэргийн хотхон”-ны задгайд 563 тоотод гэр шатаж иргэн Б амиа алдсан харамсалтай хэрэг гарчээ. Гэр шатаж байна гэсэн дуудлагыг тухайн өдрийн 22:27 цагт Чингэлтэй дүүргийн Онцгой байдлын хэлтэс хүлээн авч Гал унтраах, аврах 10 дугаар ангийн 7 албан хаагч, 2 техник хэрэгсэлтэйгээр ажиллаж унтраасан ч гэрт байсан иргэн Б /50 орчим настай, эр/ галд өртөж нас баржээ.