Өнгөрсөн хагас сайн өдөр Хэнтий аймгийн Баянхутаг сумын Жаргалант багийн “Бор хоолой” гэдэг газар авто тээврийн ноцтой осол гарчээ. Авто замын зорчих хэсгийн хажуу руу “Ниссан Навара” загварын суудлын автомашин онхолдож, автомашины эд ангид 2 хүн хавчуулагдаж нас барсан байна. Уг ослын дуудлагыг тухайн өдрийн 23:30 цагт хүлээн авсан тус аймгийн Онцгой байдлын газрын 6 албан хаагч, 1 автомашинтайгаар ажиллаж, иргэн Б /42 настай, эрэгтэй/, Э /27 настай, эрэгтэй/ нар эд ангид хавчуулагдаж нас барсан байсныг гаргаж, цогцсыг аймгийн Цагдаагийн газарт хүлээлгэн өгчээ.