Хятадын Өмнөд Шаолинийн сүмийн лам Ши Лилианг усан дээр тавьсан 200 фанер дээгүүр 125 метр зайг гүйн туулж дэлхийн дээд амжилтыг тогтоожээ. Тэрээр дөрөв дэх оролдлогоороо ийнхүү 125 метр зайг амжилттай туулсан байна.

“Усан дээгүүр нисэх” хэмээх энэхүү сургалт нь Шаолиний нэгэн төрлийн хичээл юм. Ши Лилианг лам энэ оны 1 дүгээр сард 120 метр зайг туулж байсан билээ. Анх тэрээр 2009 онд 18 метр зайг ийнхүү туулж байсан бол хойтон жил 28 метр болж 10 метрээр зайгаа уртасгаж байжээ.  

Эх сурвалж: The Telegraph