Тус мэдээлэл нь өнөөг хүртэл НАСА-д ирсэн  хамгийн үнэтэй, хамгийн үр дүнтэй мэдээ хэмээн сансар судлалын төвийнхөн ихээхэн олзуурхаж байгаа юм.

Эрдэмтэд Ангараг гарагийн агаар мандал дахь озоны агууламжийн зураглалыг гаргаж, есдүгээр сарын 26-нд Наран дээр болсон дэлбэрэлтийн улмаас цацагдсан ионжсон өчүүхэн хэсгүүд энэ агаар мандалд хэрхэн нөлөөлж буйг ажиглаж чадсан байна.

Түүгээр ч барахгүй Ангараг гарагийн агаар мандлыг бүхэлд нь судлах боломж олдсон төдийгүй анх удаагаа маш тод, дүрслэл сайтай ангараг гарагийн зургийг Сониуч хөлөг дэлхий рүү илгээжээ.