Dailymail вебсайтынхан 48 настай Chen Xinyin хэмээх гаргүй эр 91 настай ээжийн хамт амьдардаг тухай нийтэлсэн байна. 

Ээж хүү хоёр Хятадын баруун өмнөд хэсгийн Chongqing тосгонд амьдардаг. Chen Xinyin хүүхэд ахуйдаа хүчтэй тогонд цохиулсаны улмаас хоёр гаргүй болжээ. Түүнийг 20 настай байхад аав нь бурхан болж нас өндөр, бие муутай ээжийгээ асарч халамжлах үүрэг түүнд ногдсон байна. 

Түүнд нэгэн найз нь гудамжинд хүмүүсээс гуйлга гуйвал илүү мөнгө олж болох тухай зөвлөхөд тэрээр "Би гаргүй ч, хөлтэй хүн. Миний хөл сайн хөдөлдөг. Тийм учраас би тийм аргаар мөнгөтэй болохгүй" гэсэн гэдэг. Тэрээр хөлөөрөө хоол хийж, гал түлж, жижиг газар тариалан эрхэлж амьдралд хэрэг болох бүхнийг хийдэг.