УИХ дахь МАН-ын бүлгийн 28 гишүүн УИХ-ын дарга З.Энхболдод Ерөнхий сайд Н.Алтанхуягийг огцруулах санал бүхий тогтоолын төслийг өргөн бариад байна. Харин энэ явдлыг АН-ын гишүүд “МАН-ынхан хэтэрхий улс төржлөө. Улсын төсөв батлах, сайдуудаа томилж яамдын үйл ажиллагааг хэвийн явуулах гээд олон чухал ажил бидний өмнө байна” хэмээн шүүмжилж байна.

МАН-ынхан засгийг унагахад талд нь орж кноп дарах дэмжигчдээ олохоор хүмүүстэй тулж ажиллаж байна гэсэн мэдээлэл, хардлага явж эхлээд байна.