Гэрэл зураг гэдэг бол сайн аппарат төхөөрөмжөөс гадна төрөлхийн мэдрэмж, харах өнцөг шаардсан ажил билээ. Мөн сайн гэрэл зурагчин болохын тулд олон жил шаардагддаг хэцүү мэргэжил билээ. 

Английн Cafe Art гэрэл зургийн бүлгэмийхэн 100 орон гэргүй хүмүүст гэрэл зургийн камера өгч, богино хэмжээний түргэвчилсэн сургалтад суулгаж "Миний Лондон" сэдвээр зураг авах даалгавар өгчээ. 

Тэдний 80 орчим хувь нь гэрэл зургийн камераа буцааж өгсөн бөгөөд нийт 2500 зураг дарагдсанаас 20-г нь сонгон авч хуанли хийсэн байна.