Австралид нэгэн гэр бүлээс гал сөнөөгчдөд 22 настай хүү нь угаалгынхаа машинд бүсэлхийгээрээ орчихсон, гурван цаг гаруй гарч чадахгүй гацчихсан тухай дуудлага иржээ. Гал сөнөөгчид тус айлд ирээд нэг цаг гаруй хугацаанд "ноцолдсоны" эцэст залууг угаалгын машинаас гаргаж авчээ. Тэрбээр ямар учраас угаалгын машиндаа ингэж орооцолдсон тухайгаа хэлэхийг хүсээгүй гэнэ.

Аврах үйл ажиллагаанд оролцсон гал сөнөөгчид өөрсдийнхөө facebook хуудсанд ийнхүү бичжээ: 

"Амьдралдаа хийж байсан хамгийн сонирхолтой аврах ажиллагаануудын нэг энэ байлаа. Бид залууг аврахын тулд угаалгын машиныг бүхэлд нь задалсан" гэжээ. 

Үүний дараа угаалгын машиндаа гацсан залуу эмнэлэгт хүргэгдсэн бөгөөд ямар нэгэн гэмтэл аваагүй аж.