Эдийн засгийн байнгын хороо хуралдан Монгол Улсын Засгийн газрын гишүүн-Барилга хот байгуулалтын, Зам тээврийн, Уул уурхайн, Эдийн засгийн хөгжлийн, Эрчим хүчний сайд нарыг үүрэгт ажлаас нь чөлөөлөх тухай асуудлыг хэлэлцэх үеэр УИХ дахь МАН-ын бүлгийн дарга С.Бямбацогт, сайд нарыг томилох асуудлыг цувуулж бус хамтад нь шийдэх ёстой гээд  сайдыг томилох асуудлаар тус намын бүлэг тав хоногийн завсарлага авч байгаагаа мэдэгдлээ.  Завсарлага авахаас өмнө сайд нарыг чөлөөлүүлэх саналыг хуралдаанд оролцсон гишүүдийн 83.3 хувь нь дэмжсэн юм.