Өчигдөр орой /VIII.12/ Хятадын Тианжин хотод тэсрэх бодистой чингэлэгүүд 30 секундын зайтай хоёр удаа дэлбэрчээ. Одоогийн байдлаар 7 хүн нас барж, олон зуун хүн бэртсэн. Энэ тоо цаашид өснө гэж эх сурвалжууд мэдээллээ. Дэлбэрэлтээс болж дэгдсэн галыг унтраахаар 100 галын машин очоод байгаа юм байна. Хятадын Газар Хөдлөлтийн Сүлжээний Төвөөс эхний дэлбэрэлт 3 тонн тэсрэх бөмбөг буюу 2,3 градусын магнитудын, хоёр дахь дэлбэрэлт 21 тонн тэсрэх бөмбөг буюу 2,9 гарадусын хэмжээтэй тэсрэлт болсон гэсэн дүгнэлт гаргажээ. Дэлбэрэлт "Tianjin Dongjiang Port Rui Hai International Logistics" эзэмшил газар дээр болсон гэж Тианжиний Олон Нийтийн Аюулгүй байдлын газраас мэдэгдлээ.