Туркын уламжлалт хурим хийхэд багагүй зардал ордог байна. Харин Эсра Полат, Фетуллах Үзүмцүоглү турк хосууд хурим хийх зардлын мөнгөө буяны үйлд зарцуулахаар шийджээ. Тэд Сирийн иргэний дайнаас дүрвэж Туркэд ирсэн 4000 цагаачдыг хооллосон байна. "Бидний хажууд өлсгөлөн олон хүн байсаар байтал заавал зөвхөн гэр бүл, найз нөхөдтэйгээ суугаад амттай хоол идэх шаардлагагүй. Тийм учраас энэ санаагаа хүүдээ хэлэхэд тэр дуртайяа зөвшөөрсөн юм" гэж сүйт залуугийн аав Али ярьжээ.