Амжилтад хүрсэн хүмүүсийн өөрсдөөсөө асуудаг эдгээр 8 асуултыг та өөрөөсөө асууж үзээрэй. Таныг амжилтад хүрэхэд туслана.

1. Та хэдэн цагаас босдог вэ?

Хэдэн цагаас босдог нь тийм ч чухал биш. Цагаа хэрхэн үр ашигтай зарцуулдаг нь амжилтад хүрэхэд хамгийн чухал байдаг.

2. Ямар шийдвэр гаргадагаа болих вэ?

Хэдэн сарын өмнө Zuckerberg-ээс асуусан "Яагаад өдөр болгон саарал футболка өмсдөг юм бэ?" гэсэн асуултын хариулт үүний учрыг хэлж өгнө. Тэрээр "Өглөө босоод ямар хувцас өмсөх вэ гэх мэт жижиг зүйлд шийдвэр гаргаж энерги алдахыг хүсдэггүй" гэжээ. Гол санаа нь шийдвэр гаргах гэж энерги зарцуулна, энерги бол хязгааргүй зүйл биш. Хэрэггүй юманд энерги зарцуулахын оронд гол зорилгодоо анхаарах хэрэгтэй.

3. Та юунаас айгаа вэ?

Дэлхийн хамгийн нэр хүчирхэг брэнд болсон Apple-ийг үүсгэн байгуулагч амжилтад хүрэхийн тулд юунаас ч айгаагүй. 1996 онд компани нь дампуурлын ирмэгт тулж, эхний жилдээ нэгхэн долларын цалинтай ажиллаж байсан ч хоёр дахь жилээс дэлхийн түүхэн дэх хамгийн хурдан борлуулагдаж байсан компьютерийг зохион бүтээж чадсан юм. Түүний оронд өөр хүн байсан бол хийхээсээ айж бүгдийг хаях байсан байх.

Юунаас нь айгаа вэ? гэж өөрөөсөө асуугаад үзээрэй. Хийх хүслийг чинь ямар айдас чөдөрлөөд байгааг мэдэж тэр айдастайгаа нүүр тулах цаг болсон.

4. Өнөөдрийн хамгийн чухал ганц л зорилго чинь юу вэ?

Буруу ойлгох хэрэггүй. Амьдралын чинь зорилго чухал л даа. Гэхдээ хамгийн амжилттай удирдагчид өнөөдөр урд нь байгаа жижиг зорилгоо биелүүлэхэд анхаардаг байсан.

Өнөөдөр, өнгөрсөн долоо хоногт, өнгөрсөн сард юу хийж бүтээж амжуулсан бэ гэж өөрөөсөө асуух хэрэгтэй. Сарын дараах зорилгодоо хүрч чадахгүй бол хэзээ ч жилийн дараах зорилгодоо хүрч чадахгүй. Өөрт оногдсон хийх ёстой ажлаа чадах чинээгээрээ хийх хэрэгтэй. Тэгж байж амжилтад хүрнэ.

5. Ямар хэцүү зүйлийг хангалттай хийхгүй байна вэ?

Дуртай зүйлээ хийх нь амжилтын үндэс гэж хэлдэг хүмүүстэй зөрөх хэрэгтэй. Дургүй ч гэсэн таны зорилгод хүрэхэд туслах уйтгартай ажлыг хийх л хэрэгтэй. Үүнийг хийсний дараах үр дүн нь танд чухал.

6. Ямар амархан зүйлийг хэт их хийдэг вэ?

Дейл Карнегийн амжилтад хүрсэн зарчим. Амархан хийдэг ажлаа жагсаагаад үз. Ихэнх нь хамгийн түрүүнд өглөө хийгддэг ажлууд байх вий. Харин хүнд ажлаа үдээс хойш, эсвэл маргааш гэж хойшлуулсаар байдаг. Эхлээд хүнд ажлаа хийчих хэрэгтэй. Бусад ажлууд мэдээж амархан учраас таны ажил бүтчихлээ л гэсэн үг.

7. Та үүнийг үнэхээр худалдаж авах хэрэгтэй юу?

Хэмнэх нь орлогоо нэмэгдүүлэхээс илүү ашигтай байдаг.  Хар ухаанаар бодоход ямар ч ялгаагүй мэт боловч энэ бол амьдрал дээр батлагдсан хууль юм. Олсон хэрээрээ үрээд байвал хэн ч амжилтад хүрч чадахгүй.

8. Сайжруулах хэрэгтэй өөрчлөлтүүдээ хэрхэн хийх гэж байна?

Асуултыг уншаад хэрхэн хариулах талаар бодож байна уу? Ажил, бизнес, эрх мэдэл зэрэг өөрчилж сайжруулахыг хүсдэг зүйлүүдээ мэдэх хэрэгтэй. Илүү хурдан, илүү сайн, гэхдээ тогтмол сайжруулах хэрэгтэй. Нэг л өдөр том өөрчлөлт танд ирэх болно.