Архангай аймгийн Тариат сумын Хорго багийн “Сөрт” гэдэг газар “Тэрхийн цагаан” нууранд гэр бүлээрээ завьтай зугаалж явсан 7 хүний завь хөмөрч аврах хантааз өмссөн 4 иргэн эсэн мэнд гарч, аврах хантааз өмсөөгүй иргэн Б /21 настай, эрэгтэй/, Д /43 настай, эрэгтэй/, М /45 настай, эрэгтэй/ нар усанд живсэн харамсалтай хэрэг өчигдөр гарчээ. Тухайн ослын дуудлагыг 4-ний өдрийн 19:47 цагт хүлээн авсан тус аймгийн Онцгой байдлын газрын 5 албан хаагч, 1 завь, 1 автомашинтай эрэн хайх ажиллагааг зохион байгуулж байна.