Хонконгийн  "Jessica Beauty&Fashion" хэмээх загвар нэр хүндтэй сэтгүүлийн наймдугаар сарын нүүр хуудсыг Монголын загвар өмсөгч Б.Ялгуун чимжээ. Тэрээр Сингапурын "3MMODELS" агентлагт жилийн өмнөөс ажиллаж байгаа юм. Өдгөө 19 настай загвар өмсөгч Б.Ялгуун нь Сингапурт "Chanel" брендийн загварын шоунд оролцож, Индонезийн "Elle", "Harper`s Bazaar", "Cosmopolitan" зэрэг сэтгүүлийн зураг авалтуудад оролцож байсан билээ. Монголын загвар өмсөгч Б.Ялгуун Япон, Тайланд, Индонез, Хонконгийн загварын агентлагуудад 2-3 сарын гэрээтэй ажиллаж мэргэжлийн туршлага хуримтлуулсан байна.