Хорвоо ертөнц дээрхи сонин содон тохиолдлуудын алийг тэр гэх вэ. Гэхдээ Хятадад нүд бүлтийж чих дэлдиймээр нэгэн үйл явдал болжээ. 

Хятадын Чиан Ду мужид үйлдвэрийн ажилчин Шиао Вей хэмээх залуу ослын улмаас гаргүй болсон байна. Эмч нар харин түүний гарыг үхжихээс нь өмнө, долоон цаг гаруй мэс засал хийсний эцэст шагайтай нь холбон оёжээ. 

Хүний биеэс аль нэг хэсгийг нь салгаж авч, өөр нэг хэсэгт залгах нь цусан хангамжийн дутагдалд тухайн хэсгийг оруулахгүй, амьд байдлыг нь хадгалан үлддэг ажээ. Тун удахгүй бүрэн эдгэсний дараа, Шиао Вей-гийн гарыг эмч нар өөрийн гарт нь буцааж оёх ажээ.