МХЕГ-аас "Оргил рашаан сувилал" төрийн өмчит хувьцаат компанид санхүүгийн шалгалт хийжээ. Шалгалтаар ТУЗ-ийн гишүүддээ хуульд зааснаас гадуур урамшуулал өгдөг, гадаад албан томилолт, сургалтын зардал олгосон, тендерийн хууль зөрчин харьцуулалтын арга хэрэглэлгүй мах, сүү, хүнсний ногоо зэргийг шууд худалдан авсан, хуулийн компанид сүүлийн зургаан сард сар тутам 1 сая төгрөг шилжүүлсэн ч хамтран ажиллах гэрээний үр дүн /ажлын тайлан/ байхгүй зэрэг зөрчил илэрсэн байна. Зөвхөн"Оргил рашаан сувилал" гэлтгүй төрийн өмчит хувьцаат компани, үйлдвэрийн газруудад ийм зөрчил их байгаа учир  МХЕГ-аас дээрх  байдлыг таслан зогсоох албан шаардлагыг Төрийн өмчийн хороонд хүргүүлэхээр тогтлоо.