Цусан дахь сахарын хэмжээний илүүдлийг "hyperglycemia" гэж нэрлэдэг. Цардуул ихтэй хоол хүнс хэрэглэх, дасгал хөдөлгөөн бага хийх нь цусан дахь сахрын хэмжээг ихэсгэх гол хүчин зүйлс болдог. Мөн сэтгэл түгшүүр, гуниг гутралд хэт өртөх нь сахрын хэвийн хэмжээг алдагдуулдаг ба та эмчлүүлэхгүй, урьдчилан сэргийлэхгүй бол ухаан алдаж унах, комд орох аюулд өртөнө. 

Цусан дахь сахарын хэмжээ ихсэх үед илрэх шинж тэмдгүүд: 

• Ядрах, бие сульдах, толгой эргэх 
• Ам хэт их цангах 
• Нүд бүрэлзэх 
• Их өлсөх, ходоод, гэдэс дотор хямрах, хоол идсэний дараа бөөлжих 
• Амьсгал давхцах

Энэ үед та юу хийх хэрэгтэй вэ? 

• Тусгай зориулалтын багажаар цусан дахь сахарын хэмжээгээ шалгуулах 
• Инсулин болон эмчийн зааврын дагуу сахарын эм уух 
• Чихэргүй шингэн зүйл уух (ус, коффейнгүй ундаа, ногоон цай г.м)

Мөн та шээсний өнгөө ажиглах хэрэгтэй. Ямар нэгэн сэжигтэй зүйл ажиглагдах, ердийн үеэс бараан өнгөтэй гарах, хэдэн цагийн дотор сахарын хэмжээ буухгүй, таны бие эвгүйрхсэн хэвээр байгаа бол, эмнэлэгт яаралтай ханд.

Цусан дахь сахарын хэмжээ ихэсхээс сэргийлэхийн тулд та:

• Хоол хүнсэндээ анхаар. Тусгай жор гаргаж биед тустай эрүүл хүнс хэрэглэ. Хүнд төрлийн хоол өдөрт нэг л удаа ид 
• Дасгал хөдөлгөөн хий. 
• Сэтгэл гутралаас ангид байх

Хэрвээ та чихрийн шижинтэй бол, эмчийн зааврын дагуу инсулин, эм бэлдмэл тогтмол хэрэглэх нь зүйтэй.