Ф-1 загварын гар бөмбөг

Нийслэлийн Баянзүрх дүүргийн 20 дугаар хороо, Гачуурт тосгоны Шар хоолойн амны “Их ам”-ны жалганд байлдааны гранат байна гэсэн дуудлага өчигдөр өдрийн 13:03 цагт Онцгой Байдлын Ерөнхий Газарт иржээ. Тус газар Зэвсэгт хүчний 084 дүгээр ангийн Тэсэрч дэлбэрэх бодис хайгуулын, устгалын шуурхай бүлгийн мэргэжилтэн ахлах дэслэгч А.Мөнхбат ахалсан бүрэлдэхүүн очиж Ф-1 загварын гар бөмбөгийг тусгай зориулалтын автомашинаар тээвэрлэн авч явсан байна.