Хөвсгөл аймгийн Алаг-Эрдэнэ сумын Хатгал тосгоны “Жанхайн Эх нутаг” амралтын газраас Хатгалын төв орохоор Хөвсгөл нуурын усаар завьтай зорчиж явсан иргэн Ө /33 настай, эрэгтэй/, П /45 настай, эрэгтэй/, Б /32 настэй, эрэгтэй/, Г /33 настай, эрэгтэй/ нар “Доод модот булан” гэдэг газар завь нь хөмөрч живсэн дуудлага 27-ны өдрийн 13:54 цагт тус аймгийн Онцгой байдлын газар иржээ. Хатгал тосгонд үүрэг гүйцэтгэж байсан усчин-аврагч, ахлах ахлагч Ч.Сүрэнхүү, усчин-аврагч ахлах ахлагч Б.Ганбаатар нар хурдан шуурхай ажиллаж нуурын усанд осолдсон 4 иргэний амь насыг аварч гаргасан байна.