Та бүхэнд амралтын өдрөөр гэр бүлтэйгээ амтархан зооглох шарвинд ороосон үхрийн амтат махны жорыг танилцуулъя

Орц: 

• Өндөг 2 ширхэг
• Нэг аяга сүү
• Нэг аяга гурил
• Үхрийн урт нарийхан хэрчсэн мах 
• Чинжүү
• Мөөг, лууван, сонгино, сармис 

Хийх аргачлал: 

Өндөг, сүү, давсаа нэг саванд хийж хутгана. Түүн дээрээ гурилаа бага багаар нэмж шингэн зуурмаг болтол нь хутгана. Тос хийж халаасан хайруулын тавган дээр бэлтгэсэн зуурмагаа хийж зөөлөн гал дээр эргүүлж хоёр талаас нь жигнэж болгоно. 

Үхрийн махны шанз бэлтгэхдээ өөрийн дуртай ногоо, амтлагчаа нэмж болно. Энэ удаад бид чинжүү, мөөг хийх жишээ авсан. Ийм учраас нарийхан хэрчсэн мах, чинжүү, мөөг гэх мэт амтлагч ногоонуудаа хайруулын тавганд хийж давс, перц, томат соусаар амталж болгоно. Болсных нь дараа бэлэн болсон шарвиндаа ороон, зүсэж хэрэглэнэ.