Нийслэлийн Хан-Уул дүүргийн 12 дугаар хрооны Сонсголонгийн гүүрний дэргэд Туул голын усанд өчигдөр орой 17 настай Т хэмээх хүү живж амиа алдсан харамсалтай хэрэг гарчээ. Хэргийн дуудлагыг 23-ны өдрийн 22:36 цагт хүлээн авсан Нийслэлийн Онцгой байдлын газрын 5 албан хаагч, 1 автомашинтай ажиллаж цогцсыг уснаас гаргасан байна. Ойрын өдрүүдэд улсын хэмжээнд гол, нуурын усанд живж амиа алдах явдал тасрахгүй байгаа бөгөөд хамгийн сүүлд гэхэд Хөвсгөл аймгийн Мөрөн суманд Дэлгэр мөрөнд 8 настай хүү, Завханы Тэлмэн суманд 16 настай хүү тогтоол усанд осолдож амиа алджээ. Өчигдөр Хөвсгөл аймгийн Арбулаг суманд Дэлгэр мөрөнд 45 настай Ц хэмээх эрэгтэй осолдсоныг эрэн хайж байна.

Монгол Улсын хэмжээнд бараг өдөр бүр нэг хүн усанд осолдож амиа алдаж байгаа нь харамсалтай. Иймд иргэдийг гол усны аюулаас сэрэмжлэхийг анхааруулъя.