Баяр наадмын өдөр буюу 7 дугаар сарын 12-ны өдөр Завхан, Архангай аймгийн хэд хэдэн сумдад үргэлжилсэн хүйтэн бороо орж цаг агаарын хэм хасах хүртэл унаснаас Асгат суманд малдаа явсан П… /14 настай, эрэгтэй/ осгож нас барсан харамсалтай явдал болжээ.

Завхан аймгийн Асгат, Баянхайрхан, Их-Уул, Нөмрөг, Идэр, Сонгино, Тосонцэнгэл, Түдэвтэй, Тэлмэн, Цагаанчулуут, Эрдэнэхайрхан, Яруу сумдад нийт 7.555 бог мал, Архангай аймгийн Цахир суманд 2.000 орчим бог мал, Өгийнуур суманд 599 орчим бог мал, урьдчилсан байдлаар нийт 10.154 бог мал тус тус хорогдсон байна.