Баян-Өлгий аймгийн Цэнгэл сумын Хар-Уул багийн “Алтай таван богд” ууланд авиралт хийж байсан 5 иргэн сураггүй болсон талаарх дуудлага 7 дугаар сарын 12-ны өдрийн 02:35 цагт тус аймгийн Онцгой байдлын газар иржээ. Ингээд 7 албан хаагч, 1 автомашин, хилийн 0285 дугаар ангийн 5 албан хаагч болон 1 автомашин, уулын авиралтын 4 тамирчин нийт 16 хүн, 3  техник хэрэгсэлтэйгээр эрэн хайх ажиллагааг зохион байгуулж байгаа ч өнөөдрийн 09 цагийн байдлаар уулчдыг олоогүй байна. Эрэн хайх ажиллагаа үргэлжилж байгаа аж.