Хүүхдийн төлөө үндэсний газраас өнөөдөр хязаалангийн уралдаанд морио айрагдуулсан унаач хүүхдүүдэд хүндэтгэл үзүүлж хүндэт өргөмжлөл, медаль, нэг сая төгрөгийн хадгаламжийн даатгалаар урамшууллаа. Шагналыг Хүүхдийн төлөө үндэсний газрын дарга И.Нарантуяа гардуулжээ.

Шагнал авсан унаач хүүхдүүд:

• Ч.Бямбажав: Архангай аймгийн Төвшрүүлэх сумын уугуул аймгийн Алдарт уяач, Эрчим хүчний дэд сайд Ө.Пүрэвбаатарын "Загал бор" үрээг унаж, түрүүлсэн.
• Э.Төгссайхан: Дундговь аймгийн Сайнцагаан сумын уугуул П.Одонбаатарын халиун хязааланг унаж, аман хүзүүдсэн.
• Д.Өсөхбаяр: Төв аймгийн Алтанбулаг сумын уугуул Б.Алтан-Очирын  сартай хүрэн үрээг унаж, айргийн гуравт орсон. 
• Г.Алтантөгс: Өмнөговь аймгийн Даланзадгад сумын харьяат аймгийн Алдарт уяач Б.Бадраагийн хонгор хязааланг унаж, айргийн дөрөвт орсон. 
• С.Батхүү: Дундговь аймгийн Адаацаг сумын уугуул, аймгийн Алдарт уяач Д.Сүхбаатарын хонгор халзанг унаж, айргийн тавд орсон. 

 Эх сурвалж: MNB.mn