Монголын оюутны спорт холбооноос спортын төрлүүдээр УАШТ зохион байгуулан шилдэг баг тамирчин тодруулдаг. Тэгвэл тэмцээнд тодорсон модон бөмбөгийн шигшээ багийн тамирчид энэ сарын 21-нд Малайз улсын Перлис хотод болох Оюутны ДАШТ-нд оролцох бэлтгэлээ базааж эхэллээ. Манай тамирчид энэ сарын 15-нд тус улсыг зорьж, тамирчидтай нь хамтарсан бэлтгэл долоо хоног хийх аж.

Үүнээс гадна оюутнууд байт харваа, бокс, буудлага, хүндийг өргөлтийн төрлөөр оролцох юм. Монголын модон бөмбөгийн холбоо УАШТ, оюутны улсын аварга, холбооны цомын болон нэрэмжит тэмцээн зохион байгуулдаг уламжлалтай.

Өдгөө энэ спортоор 350 гаруй тамирчин хичээллэдгээс шилдгүүд нь Тайвань, БНСУ, БНХАУ, Сингапур, Малайз, Индонез зэрэг улсад болдог тэмцээнд тогтмол амжилттай оролцож байна.

                                                                                                                      Г.Золзаяа