АН-ын бүлгийн дарга Б.Гарамгайбаатар, дэд дарга С.Одонтуяа нар хэвлэлийн бага хурал хийлгэлээ. Тэд МАН-ыг засгаас хөөх болсон хэмээх мэдээллийг бататгаад хуралд оролцсон 37 гишүүн санал нэгтэй дэмжсэн тухай ярилаа. Бүлгийн дарга Б.Гарамгайбаатар МАН-ыг засгаас хөөх болсон дараах хоёр шалтгааныг хэлсэн юм.   

МАН засагт орсноос хойш төрийн албанд халаа сэлгээ хийж, 600 гаруй хүнийг ажлаас чөлөөлсөн. Энэхүү халаа сэлгээнд цэвэрлэгч хүртэл өртөж, цаашдаа ч халаа сэлгээ зогсохгүй үргэлжлэх байсан.

УИХ дахь МАН-ын бүлгээс өгсөн хариу мэдэгдэлд гэрээнд заасан ажлууд яваагүй шалтгааныг АН өөрсдөө ажлын хэсгийг ахалж байж, ажлаа явуулаагүй гэж дурдсан. Энэ бол хангалттай, үндэслэлтэй шалтгаан болохгүй. УИХ-аас байгуулагдсан холбогдох гол хуулиудыг боловсруулах ажлын хэсэгт МАН-ын гишүүд ажиллаж байгаа. Энэ бол зүгээр шалтаг.

Энэхүү хоёр шалтгааныг МАН-ыг засгаас хөөх хангалттай үндэслэл гэж АН үзжээ.