Сүхбаатар дүүргийн 17 дугаар хорооны “Дамбадаржаа”-гийн 80 дугаар гудамжийн 39 тоотод иргэн Ө-ийн байшин шатаж байна гэсэн дуудлагыг өнөөдөр үүрээр буюу 6-ны өдрийн 03:49 цагт тус дүүргийн Онцгой байдлын хэлтэс хүлээн авчээ. Дуудлагын дагуу Гал унтраах, аврах 34 дүгээр ангийн 8 албан хаагч, 2 техник хэрэгсэлтэйгээр очиж ажиллан унтраасан байна. Уг галд өртөж түлэгдсэн иргэн Х /25 настай, эрэгтэй/-г Нийслэлийн Яаралтай түргэн тусламжийн төвд хүлээлгэн өгчээ. Харамсалтай нь тус галын улмаас С /62 настай эмэгтэй/  амиа алдсан байна.