Хятадын цагаан хэрмийн гуравны нэг нь байгалийн элэгдэл, хүмүүсээс болж устаж үгүй боллоо гэж Бээжин Таймс сонин мэдээлжээ. Хятадын цагаан хэрмийн холбооноос хийсэн судалгаагаар Мин гүрний барьсан цагаан хэрмийн 8 хувь нь л тод харагдахаар үлдсэн гэсэн тооцоог гаргажээ. Борооноос болж хагарч, завсраар нь өвс ногоо ургасанаас болж нурж байна. Мөн ойр хавьд амьдардаг хулгайн наймаачид чулууг нурааж худалддаг тухай энэ жилийн ЮНЕСКО-гийн дэлхийн өвийн хуралдаан дээр хэлэлцжээ. Жилээс жилд цагаан хэрмийн чулууг авах сонирхолтой жуулчид нэмэгдэж байгаа. Цагаан хэрмийг хамгаалахгүй бол ихэнх хэсэг нь устаж үгүй болох нь гэж  Хятадын цагаан хэрмийн холбооны ерөнхийлөгч Дон Яахуй ярьжээ.