Пакистанд хэт халуунаас болж ойролцоогоор 1000 гаруй хүн амиа алдсан талаар BBC агентлаг мэдээллээ. Карачи хотод байдал бүр хүнд байна. Амиа алдагсдын дийлэнх нь тус хотын оршин суугчид юм. Өнөөдрийн байдлаар ойролцоогоор 40 мянган хүн наранд цохиулан эмнэлэгт хүргэгдээд байгаа аж. Тус бүс нутагт өдөртөө 45 хэм хүртэл халж байгаа бөгөөд цаашид ч халахаар байгаа юм.

Тус улсын хөрш болох Энэтхэгт өнгөрөгч 5-н сард болсон хэт халууны улмаас 1500 хүн амиа алдсан билээ.