Булган аймгийн Бугат сумын Ханжаргалант багийн Түлүүгийн давааны зам дээр өчигдөр 19 цагийн үед 34-08 УНЯ улсын дугаартай “Кулугер” загварын суудлын автомашин онхолдож Д.Дэлгэржаргал /43 настай, эмэгтэй/, иргэн Д.Даваадорж /39 настай, эрэгтэй/, иргэн О /30 настай, эмэгтэй/ нар газар дээрээ нас барсан харамсалтай хэрэг гарчээ. Ослын дуудлагыг тухайн өдрийн 19:35 цагт тус аймгийн Онцгой байдлын газар хүлээн авч Цагдаагийн байгуулагад хүлээлгэн өгчээ. Харин иргэн Д /36 настай, эмэгтэй/-д эмнэлгийн анхны тусламж үзүүлэн, аймгийн нэгдсэн эмнэлэгт хэвтүүлсэн байна. Машинд зорчиж явсан Э /8 настай, эмэгтэй/ ухаангүй  байсныг цуг явсан автомашинтай хүмүүс авч явчээ.

Амралт зугаалгын улирал эхэлсэн энэ үед орон нутагт зорчихдоо иргэд хурдаа тохируулж, аюулгүйн бүсээ зүүж явахыг Онцгой байдлын газраас анхааруулж байна.