Цагаан, үсэрхэг, гулгамтгай, "Алмас" гэж нэрлээд байгаа шинжлэх ухаанд бүртгэгдээгүй хавчны төрөл сүргийг Антариктидын уснаас олжээ. Судлаачид 2010 оноос алсын удирдлагатай шумбагч машинаар Антрактидын далайн гүнд судалгаа хийж эхэлсэн. Тэд 2,600 гаруй метрийн гүнээс бусад төрлөөсөө хамаагүй хэцүү нөхцөлд амьдардаг уг хавчийг олжээ.

Нарны гэрэл тусдаггүй мөсөн давхаргын дор далайн гүний түнэр харанхуйд  0,5-1,3 хэм хүйтэн байдаг ч тэдний үүр 380-400 цельс хэмтэй шазлам халуун байдаг байна. Судлаачид тэднийг хэрхэн халдаг талаар цаашид илүү судалж байж тогтоох боломжтой гэж судалгааны багийнхан ярьжээ. Тэд бараг агаар орох боломжгүй шахуу бие биедээ нягт наалдаж амьдардаг. Цээж, гаран дээрх үсэн дээр наалдсан бактераар хооллодог хачирхалтай амьтан юм.