Өнөөдрийн байдлаар Монгол Улсын хэмжээнд улаанбурхан өвчний 18.566 сэжигтэй тохиолдол бүртгэгдсэний 880 хүн лабораторийн шинжилгээгээр, 4.766 хүн эпидемиологийн холбогдол, эмнэлзүйн шинж тэмдгээр тус тус өвдсөн болох нь  батлагджээ.

"Эбола"-гоос хойш дэлхий дахиныг айлгаж буй Хүний Коронавирүст (MERS-CoV) халдвараар БНСУ-д нийт 179 лабораториор батлагдсан тохиолдол бүртгэгджээ. Мөн 43 хүний сорьцыг шинжилж байгаа аж. Өнөөдөр өглөөний 10 цагийн байдлаар 27 хүн уг өвчний улмаас нас бараад байна.

Нийт өвчтөний ойрын хавьтлын 11.210 хүнээс одоогоор 2805 ойрын хавьтлыг хянаж, 2091 хүнийг гэрийн, 714 хүнийг эмнэлгийн хяналтад байлгаж байна. Хүний Коронавирүст (MERS-CoV) халдвараар дэлхий дахинд 1345 лабораториор батлагдсан тохиолдол бүртгэгдэж, 479 хүн нас бараад байгаа юм.