Давсыг их хэрэглэвэл хор болдог гэдэг ч давсны ашиг тус бас байдаг ажээ. Та давс идэхээ багасгаж, харин ахуйн хэрэглээндээ илүүтэй ашиглавал ямар тустай болох зөвлөгөөг хүргэж байна.

Давсаар целлюлит багасгах 

Долоо хоногт хоёр удаа давстай таргаар юм уу, давстай сүүгээр биеэ зүлгэж бай. Давс нь эрүүл ахуйн дээд зэргийн ариутгагчаас гадна арьсны уян хатан чанарыг сайжруулж, үхжсэн арьсыг гуужуулах бөгөөд таргалалтын улмаас үүссэн целлюлит, унжиж сулбайсан арьсыг өнгөлөг чанга толигор болгодог байна. 

Давс ахуй хэрэглээнд 

Харин давсыг ахуйн хэрэглээнд хэрэглэх нь их үр дүнтэй.  Үүнд: 

• Харлаж сэв суусан халуун сав, банн, цахилгаан зуухан дээр үүссэн толбыг давсаар үрэхэд арилж гялалзаж өнгө орно. 
• Цантсан цонхыг давстай усаар угаахад үр дүнтэй
• Давстай бүлээн усанд хөлөө дүрвэл ядаргаа тайлагдана
• Тэжээлийн тосыг шингэх үед давстай усаар бигнэвэл арьс цайрч, нүүрний хаван багасдаг.