ISIS-ийн цэргүүдийн гарт маш олон гэмгүй номхон ард иргэд, хүүхэд багачууд өртсөн билээ. Тэгвэл Курдын алдарт дуучин, бүжигчин Helly Luv тэдэнтэй тэмцэж эхэлсэн байна. Тэрээр 1988 онд Иранд төрсөн бөгөөд Саддам Хусейны дарангуйллын үед Иракт өсч торнисон аж. Харин тэр үед түүний эцэг эх Финланд руу цагаачилсан бөгөөд өсвөр насаа баруунд өнгөрөөсөн байна. Ийнхүү 18 насандаа Лос-Анжелест урлагийн сургуульд орсноор урлагт хөл тавьсан юм. Тэрээр өөрийн “Хувьсгал” нэртэй дууныхаа клипийг ISIS-ийн цэргүүдийг ялан дийлж байгаагаар бүтээсэн бөгөөд курдын нутаг дэвсгэр дээр мөргөлдөөн өрнөж байсан газраас 1.6 км-ийн зайд орших хотод зураг авалтаа хийжээ.