Эмэгтэйчүүдийн сэтгэлийг зовоодог нэг  асуудал бол нүдний зовхины үрчлээ юм. Нас ахих тусам нар салхины нөлөөгөөр нүдний эргэн тойронд үрчлээ тогтдог. Зовхины тос нь нүдний эргэн тойронд байгаа нарийн зураас, үрчлээ хар толбыг арилгадаг. Бүсгүйчүүдийн байнга хэрэглэдэг чийгшүүлэгч тосноос зовхины тос яагаад илүү үнэтэй байдаг учрыг та мэдэх үү?  Нүдний арьс бол маш эмзэг, хамгийн нимгэн арьстай хэсэг юм. Тухайн хүнийг хэдэн настай болохыг нь нүдний эргэн тойрон дахь үрчлээнээс хараад л мэдэж болно. Тиймээс л "Tulane" Эрүүл мэндийн Их сургуулийн профессор Patricia Farris "Зовхины тос нүдний эргэн тойронд байгаа нарийн жижиг үрчлээнүүдийг багасгадаг. Нүдний эргэн тойронд байгаа арьсийг илүү бат бөх болгодог" гэж хэлжээ.

Иймээс зовхио хамгаалах хэдэн зөвлөгөөг хүргэе. 

• Зовхио зориулалтын зовхи цэвэрлэгчээр цэвэрлэ
• Сормуусны будгаа арилгах гэж зориулалтын бус цэвэрлэгч хэрэглэх мөн янз бүрийн нойтон сальфитикаар бүү үр
• Нүднийхээ эргэн тойронд зөөлөн хүрж цэвэрлэж байх 
• Зовхины тос түрхэхдээ ядам хурууныхаа өндгөөр аль болох зөөлөн товшиж түрх
• Зовхины тосны үнэтэйг бүү гайх. Үнэ тийм ч чухал зүйл биш. Харин таны гоо сайхан л хамгийн чухал гэдгийг ойлгоорой.