Засаг даргын захирамжаар “Авто зам, тохижилт, ногоон байгууламжийг ашиглах хамгаалах” журмын дагуу зөвшөөрөл олгох гүйцэтгэлийн явцад хяналт тавих ажлын хэсэг хуралджээ. Энэхүү ажлын хэсгийг Улаанбаатар хотын Ерөнхий менежер Б.Бадрал ахалж байгаа бөгөөд гишүүдэд Нийслэлийн Засаг даргын Тамгын газар, дүүргийн Засаг даргын орлогчид, нийслэлийн Авто замын газар, Улаанбаатар хотын Замын цагдаагийн газар, Мэргэжлийн хяналтын газар, Нийтийн үйлчилгээний Улаанбаатар нэгтгэл, Замын хөдөлгөөний удирдлагын төв, Улаанбаатар хотын Шуурхай удирдлага зохицуулалтын төв, Тээврийн газар орж байгаа юм.

Ажлын хэсгийн ээлжит хурлаар Улаанбаатар Дулааны сүлжээ компанийн захиалгаар Баянгол дүүрэг 14-р хороо, “Таван Эрдэнэ” хүнсний захын баруун урд талын авто замыг сэтэлж, дулааны 7г шугамыг 2015 оны 6 дугаар сарын 13-ны 22.00 цагаас 2015 оны 6 дугаар сарын 15-ны 06:00 цаг хүртэл шинэчлэх

“Одкон холдинг” ХХК нь Эрчим хүчний яамны захиалгаар Сүхбаатар дүүрэг, Чингисийн өргөн чөлөө, Баянгол зочид буудлын зүүн талын, Скайтелийн замыг 2015 оны 6 дугаар сарын 10-ны 22:00 цагаас 2015 оны 6 дугаар сарын 11-ны 06:00 цаг хүртэл сэтэлж дулааны шугамын шинэчлэл хийх зөвшөөрлийг тус тус олгосон байна.