Өчигдөр Сонгинохайрхан дүүргийн 11 дүгээр хороо, “ЦПЦ” ХХК-ийн тоосгоны үйлдвэрт зуурмаг хэвлэгч, зуурагч тоног төхөөрөмжид хүн хавчуулагдан амиа алдсан харамсалтай хэрэг гарчээ. Зуурагч төхөөрөмжинд хүн хавчуулагдсан талаарх дуудлагыг тухайн өдрийн 17:01 цагт Онцгой байдлын албанд өгсөн байна. Дуудлагын дагуу Аврах ангийн 7 албан хаагч, 2 автомашинтайгаар очиход иргэн О /40 настай эрэгтэй/ амиа алдсан байжээ. Түүний цогцсыг гаргаж дүүргийн Цагдаагийн 2 дугаар хэлтэст хүлээлгэн өгсөн байна. Хэргийг Цагдаагийн байгууллага шалгаж байгаа аж. Дашрамд дурдахад албан хаагч, ажилчид үйлдвэрийн тоног төхөөрөмжтэй харьцахдаа болгоомжтой байж, аюулгүй ажиллагааны дүрмийг сахин ажиллахыг анхааруулж байна.