Өмнөд Солонгост дэгдээд байгаа “Mers” вирусын халдварын улмаас тав дахь хүн нас барж, өвчлөгсдийн тоо 64-д хүрчээ. Тав дахь өвчтөн Сөүл хотын эмнэлэгт эмчлүүлж байсан 75 настай эрэгтэй юм. Одоогийн байдлаар Өмнөд Солонгост  “Mers” вирусээр нас барагсад 58-82 насны хөгшин хүмүүс байгаа аж. Үүнээс үзэхэд уг вирусийн халдварт дархлаа султай хүмүүс өртөх магадлал өндөр байна гэж BBC онцолжээ. Тус улсад өнөөдрийн байдлаар 1600 гаруй хүнийг олон нийтээс тусгаарлаад байгаа юм. Сүүлд шинээр бүртгэгдсэн 14 хүний 10 нь Сөүлийн эмнэлгийн орчинд халдвар авсан нь тогтоогдоод байна. Хамгийн анх “Mers” вирусийн халдварыг 2012 онд Саудын арабад бүртгэж байжээ.