Хүний хумсны өнгө, хэлбэр, зузаан нимгэнээс шалтгаалаад таны эрүүл мэндийг тодорхойлж болдог аж. Энэ удаа хумсны талаарх дараах 3 чухал зүйлийг таньд хүргэж байна. Та өөрийнхөө хумсыг хараад эрүүл мэндээ шинжээрэй. 

1. Хумсны өнгө 

Хумсны өнгөөр таны эрүүл мэндийн үндсэн суурь гол үзүүлэлтүүд харагддаг. Эрүүл хүний хумс ягаан өнгөтэй байх бөгөөд хагас саран хэлбэртэй цагаан өнгийн толботой байдаг. Харин үүнээс өөр өнгийн туяа орсон байвал таны эрүүл мэндэд ямар нэгэн асуудал үүссэн гэсэн үг. Үүнд: 

• Хэрвээ таны хумс ногоон өнгийн туяатай болсон бол ямар нэгэн бактерийн халдвартай байна. 
• Хэрвээ таны хумсан дээр улаан зураас үүссэн байвал зүрхэнд өөрчлөлт гарчээ 
• Хэрвээ таны хумс цэнхэр туяатай бол цусан дахь хүчилтөрөгчийн хэмжээ буурсан байна. 
• Хэрвээ таны хумс цагаан туяатай бол элэг асуудалтай
• Хэрвээ таны хумс бага зэрэг цайвар байгаа бол витамин дутагдсаны шинж ажээ. 

2. Хумсны зузаан

• Хэт зузаан хумстай байх нь цусны эргэлт муу байгаагийн тэмдэг бөгөөд уушгины асуудалтай байгаагийн шинж. 
• Мөн хумсан дээр биржгэр ажиглагдаж байгаа бол мөөгөнцөрийн халдвартай байж болзошгүй. 
• Таны хумс хуурай, амархан хугарч гэмтдэг бол кальци болон витамин D, A дутагдаж байгаагийн шинж. 
• Хумс амархан дундуураа хуваагдаж, цуурч байгаа бол таны биед линолийн хүчил дутагдаж байгаагийн шинж. 

3. Хумсны хэлбэр  

Хумс мурийж ургасан байвал таны биеийн төмрийн бэлдмэлийн хэрэгцээ ихэссэн байна гэсэн үг. Харин хумсан дээр жижиг, жижиг цагаан толбо энд тэнд гарсан бол таны биед төмөр дутагдаж байгаагийн илрэл. Таны хумс амархан хугардаг, нимгэн, хэврэг, мурий ургасан гээд энэ бүх төрөл таны эрүүл мэндтэй зайлшгүй холбоотой юм.