Солонгост "MERS" вирусийн халдвараар 4 дэх хүн нас барлаа. Уг вирусын халдвараар хамгийн анх 71 настай хөгшин амиа алдсан бол энэ удаа мөн л 82 настай хөгшин нас баржээ. Тэрээр уушгины хатгаа, багтраа өвчний улмаас эмнэлэгт хэвтэж байхдаа халдварт өртөж, өнгөрсөн лхагва гаргийн орой нас барсан болохыг Reuters агентлаг мэдээллээ.  Түүнийг "MERS" вирусээр халдварласан 36 дахь өвчтөн хэмээн бүртгээд байсан аж. Одоогоор 1600 гаруй хүнийг уг вирусийн халдварыг авсан байх магадлалтай гэж үзэн тусгаарлаад байгаа бөгөөд дийлэнх нь гэрийн хорионд байна. Мөн 1164 сургуулийг хаагаад байгаа юм.