Тулгар төрийн 2224, Их Монгол Улсын 809, Ардын хувьсгалын 94 жилийн ой, Үндэсний их баяр наадмыг зохион байгуулах Үндэсний хорооны хурал болж хурлыг тус хорооны дарга, Монгол Улсын Шадар сайд У.Хүрэлсүх удирдан явууллаа.

Хурлаар баяр наадмын үеэр зохион байгуулах соёл урлагийн нэгдсэн арга хэмжээний хөтөлбөрийг баталсан байна. Үндэсний их баяр наадмын өдрүүдэд:

• “Best of Classics” урлагийн цэнгүүн
• Хүүхдийн гала концерт
• Төрийн хүндэтгэлийн концерт
• Баяр наадмын нээлтийн урлагийн тоглолт
• Баяр наадмын хаалтын урлагийн тоглолт
• Морин хуур олон улсын наадам
• “Эх орноо хамтдаа дуулъя” цэнгүүн
• DJ урлагийн шоу
• Төрийн далбаа залах ёслол
• “Адуучин” наадам
• “Монголын сайхан орон” уран зургийн үзэсгэлэн зэрэг 17 арга хэмжээг баяр наадмын өдрүүдэд зохион байгуулахаар төлөвлөжээ.

Төрийн хүндэтгэлийн концерт долдугаар сарын 10-нд 15 цагаас болох бөгөөд анх удаа гадаа талбайд буюу Чингис хааны талбайд зохион байгуулагдах гэж байна. Энэ өдрийн 19 цагаас “Дээлтэй монгол наадам” эхэлж, 22 цагаас “Учиртай гурван толгой” дуурийг төв талбайд тоглуулах юм.