Apple компани Beats Pill XL спикерийг хэт халдаг гэсэн гомдлын дагуу эргүүлэн татахаар болжээ. "Спикерийн зай нь хэт халаад байна" гэж найман хүн гомдол гаргасан тухай АНУ-ын Бүтээгдэхүүн Хэрэглэгчдийн Аюулгүй Байдлын Комисс мэдээллээ. Уг спикерийг 325 ам.доллараар авсан хүмүүс спикерээ өгч мөнгөө эргүүлэн авч болох юм байна. 2014 оны 1-р сард худалдаанд гарснаас хойш АНУ-д 222,000, Канадад 11,000 ширхэг орчим борлуулагдсан байна. Apple компани Beats спикер, чихэвч үйлдвэрлэгч компанийг өнгөрсөн онд 3 тэрбум ам.доллаар худалдаж авсан билээ.