Халдварт өвчин судлалын үндэсний төвд зургаан сартай охин улаанбурхан туссан хэмээх оноштойгоор хэвтэн эмчлүүлж байгаад өчигдөр нас барсан харамсалтай явдал гарчээ. Талийгаачийг эмчлэх явцад бие нь дордож муудахад Эх хүүхдийн эрүүл мэндийн үндэсний төвөөс эмч дуудан үзүүлжээ. Эмч охиныг хоёр уушгиндаа хатгаатай байна хэмээн оношилсон байна. Харамсалтай нь охин гэнэт дотуур цус алдаж биеийн байдал нь улам хүндрэн эмч нар ч боломжтой бүхий л арга хэмжээг авсан хэдий ч амийг нь аварч чадаагүй байна. Охин юунаас болж амиа алдсан талаарх задлан шинжилгээний хариу хоёр долоо хоногийн дараа гарах ажээ.